केकेआरविरुद्ध धोनीचा धमाका निष्फळ, पहिल्याच सामन्यात सीएसकेचा दारुण पराभव
इंडियन प्रीमियर लीग (IPL) 2022 च्या पहिल्या सामन्यात कोलकाता नाईट रायडर्सने माजी चॅम्पियन चेन्नई सुपर किंग्जचा पराभव करून शानदार सुरुवात केली. अवघ्या 132 धावांचा पाठलाग करताना कोलकाता नाईट रायडर्सने सीएसकेचा 6 विकेट्स राखून पराभव केला.
या सामन्यात कोलकाताने विजयासह आपले मिशन सुरू केले. चेन्नईकडून माजी कर्णधार महेंद्रसिंग धोनीची कामगिरी पाहायला मिळाली, मात्र चेन्नईला विजय मिळवता आला नाही.
132 धावांचा पाठलाग करताना कोलकाता नाईट रायडर्सची सुरुवात चांगली झाली. अजिंक्य रहाणे (44) आणि व्यंकटेश अय्यर (16) यांनी 43 धावांची भागीदारी केली. त्यानंतर नितीश राणा (21), सॅम बिलिंग्ज (20) यांनीही चांगली सुरुवात केली.
That's that from Match 1 of #TATAIPL.@KKRiders win by 6 wickets 👏👏
— IndianPremierLeague (@IPL) March 26, 2022
Scorecard – https://t.co/b4FjhJcJtX #CSKvKKR #TATAIPL pic.twitter.com/3yTEtffmYy
शेवटी कर्णधार श्रेयस अय्यर (25), शेल्डन जॅक्सन (3) यांनी क्रीजवर राहून संघाला विजय मिळवून दिला. कोलकाताने 18.3 षटकात 133/4 धावा केल्या.
चेन्नई सुपर किंग्जकडून ड्वेन ब्राव्होने 4 षटकात 20 धावा देत तीन बळी घेतले. ड्वेन ब्राव्होने व्यंकटेश अय्यर, नितीश राणा आणि सॅम बिलिंग्जला बाद केले. विशेष म्हणजे ड्वेन ब्राव्होने आता आयपीएलच्या इतिहासात सर्वाधिक विकेट घेण्याच्या लसिथ मलिंगाच्या विक्रमाशी बरोबरी केली आहे. ड्वेन ब्राव्हो, लसिथ मलिंगा यांनी 170-170 विकेट घेतल्या आहेत.
कोलकाता नाईट रायडर्सविरुद्ध चेन्नई सुपर किंग्जची सुरुवात खूपच खराब झाली. पहिल्याच षटकात ऋतुराज गायकवाड (0) गमावल्याने चेन्नईला पुनरागमन करता आले नाही.
चेन्नईकडून डेव्हॉन कॉनवे (3), रॉबिन उथप्पा (28), अंबाती रायडू (15), रवींद्र जडेजा (26), शिवम दुबे (3) यांनी धावा केल्या. एमएस धोनीने 39 चेंडूत केलेल्या 50 धावांच्या खेळीच्या जोरावर चेन्नईला 61-5 वरून 131-5 धावांवर नेले.
WATCH – Vintage Dhoni rekindles Wankhede affair 😍
— IndianPremierLeague (@IPL) March 26, 2022
📽️📽️https://t.co/TQZhN5w96h #TATAIPL #CSK pic.twitter.com/q1bUPdPMPk
कर्णधार म्हणून रवींद्र जडेजाचा हा पहिलाच सामना होता, पण त्याला पराभवाला सामोरे जावे लागले. आयपीएलमध्ये 200 सामने खेळून संघाचे नेतृत्व करणारा रवींद्र जडेजा हा पहिला खेळाडू ठरला आहे. पहिल्या सामन्यात अशा अनेक गोष्टी होत्या, ज्या चेन्नई सुपर किंग्जसाठी योग्य ठरल्या नाहीत. यामध्ये गोलंदाजी बदल, फलंदाजी असे गुण होते.
